قال الفنان هانى رمزي، خلال لقائه ببرنامج «مساء دي إم سي» مع الإعلامي رامي رضوان: بدأت التمثيل كهاوي، ودخلت كلية التجارة وبعدها دخلت معهد الفنون المسرحية، وعملت مسرحيتين مع الفنان محمد صبحي، الفنان صلاح عبد الله كان بيخرجلنا واحنا في المعهد، وكان بيعزم محمد صبحي على العروض المسرحية، وكنا بنقدم كلاسيكيات وإغريقيات، وكنا بنمثل تمثيل جد ولما كنت بمثل جد الناس كانت بتضحك برضه.
وتابع: بدأت اتوظف في روايات كوميدية وأنا في المعهد ومحمد صبحي أستاذي وكان بيدرسلنا في المعهد وكان بيعلمنا إزاى نتصرف وإحنا على خشبة المسرح وعلمنا إزاى نرتجل وأن يكون الذهن حاضرا على خشبة المسرح، وأنا فرحت جدا بكلام الفنان فؤاد المهندس عني لأنه تبناني فنيا وخلاني شاركت معاه في فترة من الفترات وعملت معاه فوازير وأنا عاشرته إنسانيا وعرفت قد ايه هو فنان متواضع وبسيط وإزاي كان بيساعد الشباب الصغير .