كشف الفنان حكيم، كواليس أحد أشهر أغنياته «السلام عليكو»، والتي أصدرها عام 2004.. قائلا: «قابلنا مرة واحد في مكان شعبي بيقول الجملة بنفس الطريقة اللي اتقالت في الأغنية، وفضلت معلمة معايا أنا والشاعر أمل الطائر حوالي 4 سنين مش عارفين نعملها إزاي».
حكيم ضيف «صاحبة السعادة»
وأضاف «حكيم» أثناء حلوله ضيفا على برنامج «صاحبة السعادة» مع إسعاد يونس: «بعدها لقيت كان في مطرب عامل أغنية من فترة مقاربة بيبدأ فيها وبعد السلام، زي ما عملنا في الأغنية بعد كده لأننا كنا في أزمة كبيرة ومش عارفين نطلع بالأغنية إزاي، فدورنا على المطرب لاقيته محبوس والملحن بتاعها متوفي، وبالتالي روحت للملحن حسن إش إش وخدت الشاعر أمل الطائر وهناك حكيت ليهم فعمل اللحن الأول وبعدين أمل كتب الكلمات».
وتابع: «لما طلع المطرب من السجن راضيناه بحقه نظير أغنيته، لأننا خدنا منه بس الطلعة بجملة بعد السلام يحلى الكلام».
اقرأ أيضا:
حكيم يطرح أحدث أغنياته «تزاولني»