قال الفنان محمد فؤاد، إنه خضع لـ3 جراحات حتى يخسر وزنه، موضحًا: «ليه الناس بتخبي إنها عملت تكميم؟! إيه العيب؟!».
وأضاف «فؤاد»، خلال حواره مع الإعلامية بسمة وهبة مقدمة برنامج «العرافة»، على فضائيتي «المحور»، و «النهار»: «ما المخزي في الإعلان عن عمليات التكميم؟ مش فاهم المجتمع بتاعنا عاوز يروح لفين؟، مجتمعنا بقى يتلون لطباع معتقدش إنها هتروح للخير».
وتابع: «خايف من التكميم لحد دلوقتي، كل ما آجي أعملها ابني عبدالرحمن يقولي متعملهاش يا بابا عشان خاطري، لكن أنا مؤمن بالله وعارف إنه لن يصيبنا إلا ما كتب الله لنا، عمري ما دخلت عملية خايف، كنت بفكر في عيالي وإن ربنا يكتب لي السلامة».
