كشف الفنان أحمد حلمي خلال استضافته في برنامج عيشها بإنرجي، مع الإعلامي وائل منصور والمذيعة منة عامر، عبر محطة راديو إنرجي، عن إمكانية تقديمه لفيلم رعب، أو نوعية مختلفة عن أفلامه الكوميدية، ورأيه في أعمال المنصات الإلكترونية.
وتحدث الفنان أحمد حلمي خلال حواره مع راديو إنرجي، قائلا: «آه طبعا جدا، وممكن أعمل أي دور، وأنا دايما بدور على إني أقدم حاجة تأثر في المشاهد، أوتخرج منها تفكر، والدنيا وجهات نظر، وأنا إما بلاقي فيلم مبيقدمش حاجة زي دي بستخسر أعمله، المواضيع الإنسانية مهمة أوي».
وأوضح أنه يحب سينما «البلاك كوميدي»، قائلا: «جايز عشان أنا برسم، والرسم له نظرة فنية حببني في الحتة دي، والفنان في بداية طريقه محتاج حد يسوقه والموهبة لوحدها مش كفاية، وممكن شخص طبعه دايما صامت ويكون بيضحك جامد جدا.. زي الفنان نجيب الريحاني أو دريد لحام.. هما بيقدموا قمة الكوميديا ولكن لما تقابلهم مبتلاقوش شبه اللي بيقدموه».
وأعرب الفنان أحمد حلمي عن رأيه في أعمال المنصات الإلكترونية، قائلا: «المنصات الرقمية فيها ميزة حلوة بالنسبة للفنانين إنها مدفوعة الأجر.. وكأن اللي بيشترك فيها دافع فلوس وجايلك وده فيه قيمة حلوة، واللي بيتقدم على المنصة مفيهوش حسابات البوكس أوفيس، ولكن فيه حسابات تانية إنه إزاي يعجب الناس».
