طرحت الفنانة الأردنية نداء شرارة أغنية جديدة بعنوان «أحبك» عبر قناتها بموقع الفيديوهات الشهير يوتيوب.
أغنية «أحبك» للفنانة الأردنية نداء شرارة، من كلمات محمد الصالح وألحان وتوزيع حيدر كيتارا.
يذكر أن، الفنانة نداء شرارة كشفت عبر حسابها الرسمي بموقع التواصل الاجتماعي «فيسبوك»، عن أسباب انخفاض أسعار حفلاتها في الأردن مقارنة بعدد كبير من النجوم، قائلة، إنها المسؤول الرئيسي عن هذا الأمر.
وكتبت نداء شراراة: «أنا المسؤول وأنا اللي بطلب تكون أسعار التيكتات، بحفلاتي معقوله عشان كل الناس تقدر تحضر ولو علي بخلي كل الناس تحضر ببلاش أنا بنت الأردنيين».
وأضافت: «وهمه دعموني كل إنسان عندو هدف وانا هدفي ليس المال هدفي افرحهم وحفلاتي بالاردن باستثناء المهرجانات، غالبا بتكون من تنظيمي لأني ما بقدر أغني بأي مكان فبعمل حفلات بمسارح مرتبه وبرفض أرفع سعر التيكت».
وتابعت: «عشان الناس كلها تقدر تيجي وبربِح تيكتات ل اللي مش قادرين يدفعوا وجمهوري بعرف هاد الشي، زمان قبل ما اكون بالفن كنت بحب اروح احضر فنانين، بس ما كنت بقدر اشتري تيكتات اليوم بعرف الشعور».
وأردفت: «لذلك بحب كل الناس تيجي وبستمتع بالحفلات اللي جمهورها جاي يحضر ببلاش وبحس وقتها قديش عندي شعبيه مش مجرد حدا مشهور وخلص، والنظره المأخوذة عن الفنان الاردني انو مظلوم ياريت نغيرها أحنا برضو بس يكون عنا حفلات بأي بلد برا اسعار التيكتات بتكون مرتفعة».
وكشفت: «وهاد مش بإيدنا لأنو بطبيعة الحال، اي فنان رح يجي من برا تكلفته عاليه جدا على قائمين الحفل لذلك يتم رفع سعر التيكت اهلا بكل الفنانين اللي بتنورنا والله يديم علينا نعمة الامن والامان وتضل الاردن بخير وحب وفرح».
آخر أعمال نداء شرارة
ويشار إلى أن آخر أعمال الفنانة نداء شرارة أغنية «ست البنات» التي طرحتها مؤخرا، وحققت نجاحا كبيرا خاصة بعدما تخطى حجم مشاهداتها حاجز المليون مشاهدة منذ طرحها، مما جعلها تتصدر تريند موقع الفيديوهات يوتيوب.
