تحدثت الفنانة إيناس مكي عن رأيها في ابتعاد الفنانة عبلة كامل ورفضها التكريمات، قائلة: «عبلة كامل من الشخصيات الجميلة اللي تتعشق في العشرة الأخت الطيبة الجدعة.. أنا مش مندهشة من موقفها وعلى مدار السنين اللي فاتت لو قلتيلي أنها قفلت التليفون ومبقتش ترد على الناس مش هستغرب، أنا اتطمنت عليها من حبي فيها وعرفت أنها مش بيجيلها أدوار، هي عاملة ستوب.
وتابعت إيناس مكي خلال حوارها مع الإعلامية إنجي هشام في برنامج المنسي عبر قناة هي: «كنت برد على الناس وأقولهم إحنا ستات في النهاية عادي ما أنا جالي قفلة وقعدت سبع سنين مش بشتغل ومش عايزة أرد على الوسط».
وتابعت: «السبع سنين دول كانوا كرم من عند ربنا إني أخد بالي من أمي صحيا وكان ربنا هو اللي بيستف الأوراق وطلعت عايزة قلب مفتوح ودا عايز حد مركز وخدت أمي لأخويا الكبير في فرنسا خلصنا العملية ورجعنا ولما بسرح بقول سبحانك يارب أنا لو كنت بشتغل مكنتش هاخد بالي».
اقرأ أيضا:
حقيقة إصابة الفنانة عبلة كامل بالسرطان
مهرجان الإسكندرية السينمائي يحتفي بمئوية الفنان محمود مرسي
