كشفت الفنانة حورية فرغلي تفاصيل حالتها الصحية بعد عملية استئصال الرحم، قائلة، إن الطبيب استأصل الرحم كله، بما فيه عنق الرحم، متابعة: «الدكتور قالي كان فيه أورام مش كويسة».
وطمأنت «فرغلي»، خلال مكالمة هاتفية ببرنامج «مساء DMC»، المذاع على قناة «DMC»، وتقدمه الإعلامية إيمان الحصري، جمهورها عن حالتها الصحية، قائلة إنها خرجت من المستشفى، أمس الأول، ولكن لم يتواصل معها أحد أو زارها في المستشفى.
وتابعت: «معرفش مين نزل الصورة وأنا في المستشفى، وكيل أعمالي أكيد اللي نزل الخبر علشان الناس تعرف، لأن المستشفى كلها عرفت، فهو كان عاوز يطمن الناس أو حاجة.. بس أنا زي الفل».
وأوضحت أنها كانت تنتظر زيارتها من أي شخص يعرفها ويحبها، متابعة: «ده الطبيعي.. أنا لو شوفت حد مرتين تلاتة ويعمل عملية كبيرة لازم أروحله، بس الحب مش بيتشحت ولا الحنية، ومامي بالنسبة ليا الدنيا كلها».
