تعرضت النجمة داليا البحيري لإصابة بعد سقوطها على المسرح خلال العرض المسرحي «سيدتي أنا».
ونشرت داليا البحيري، صورا ليدها المصابة عبر حسابها الرسمي بموقع الصور والفيديوهات إنستجرام، وكتبت: «حادثة صغيرة على ماقسم كده اختل توازني على المسرح ووقعت واقعة جامدة حبيتين.. نزلت بكل حملي على إيدي وحسيت برجة جامدة في دماغي.. وجع رهيب إيدي ورمت قلت بس أنا اتكسرت كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام أدى إلى أن العضمة اتحركت من مكانها يا ختي».
وأضافت داليا البحيري: «فكل ده تمام وألف حمد وألف شكر إنها بتيجي على قد كده.. المشكلة بقى يا جماعة في إني اكتشفت إني مش عارفة اعمل أي حاجة بمعنى أي حاجة من غير الصباع ده.. لا عارفة ألبس ولا أقلع ولا أفتح إزازة المايه مش عارفة أشيل حاجة مش عارفة أفتح باب العربية ومش عارفة أسرح شعري ولا أغسل وشي ولا أي حاجة.. وكمان مش عارفة أعمل scroll مش عارفة أعمل like.. آه والله الـ Like بتوجعني جدا.. بس برضو الحمد لله دائمًا وأبدًا.. ما يقع إلا الشاطر».
مسرحية «سيدتي أنا»
مسرحية «سيدتي أنا»، بطولة: داليا البحيري، نضال الشافعي، فريد النقراشي، محمد دسوقي، أمينة سالم، وكوكبة أخرى من الفنانين، ديكور د. حمدي عطية، أزياء د. مروة عودة، أشعار عادل سلامة، موسيقى تصويرية وألحان محمود طلعت، تصميم استعراضات مصطفى حجاج، إضاءة عز حلمي، دراما تورج وإخراج محسن رزق.
