الأحد 14 أبريل 2024

إيناس الدغيدي: رفضت أحمد عز في بدايته.. ويسرا كانت عايزاه يبوسها

علقت المخرجة إيناس الدغيدي على طريقة اختيارها للممثلين قائلة: «مش مغرورة لكن شكلي مغرور، وعمرو سعد مكسرش المكتب عندي، هو حد كلمني قالي في ولد كويس أوي هيجيلك المكتب عشان عايز يمثل، وأنا مكنتش موجودة، ومكلمنيش قبلها».

إيناس الدغيدي: يسرا قالتلي مين اللي هيبوسني!

وأضافت المخرجة إيناس الدغيدي، خلال استضافتها ببرنامج «أسرار» مع الإعلامية أميرة بدر المذاع على قناة النهار: «بقابل في اليوم 40 واحد عايزين يمثلوا، واخترت أحمد عز من كاست وكان موديل إعلانات، رفضته في الأول، عشان ماكنش مناسب سنًا، عشان كان أصغر من يسرا ومش هينفع، الفيلم كان فيه بوسة، ويسرا جات قالتلي مين الراجل اللي هيبوسني، قلتلها جايبالك واحد كويس، كان فيلم كلام الليل، عشان مش عايزة تتباس من أي حد، لما شافت الراجل اللي أنا جبته، قالتلي هو ده اللي اخترتيه، طب انتي بصيتي على أسنانه، مش هينفع أبوسه عشان أسنانه كلها سودة، والمنتج كان مقتنع بـ أحمد عز عشان وسامته، وراح قال ليسرا فيه واحد كويس أوي بس إيناس شايفة إنه صغير، لما شافته قالتلي ده أنا هبوسه لكن اللي انتي مختاراه مش هينفع، قلتلها ده صغير، قالتلي ماليش دعوة، وعمل الدور حلو جدًا، والبوسة طلعت حلوة، وبعدها راح اتعلم وجالي قالي عايز أعمل فيلم، عملت به مذكرات مراهقة، وعز تطور جدًا، ومجتهد ومركز وعنده هدف».

اقرأ أيضا:

أحمد عز: هذه أمنيتي في 2024

يسرا توجه رسالة لـ هشام سليم في ذكرى رحيله الأولى

 

تصفح موضوعات أخرى