أعلنت الفنانة كندة علوش، عن تفاصيل إصابتها بمرض السرطان الثدي، ومعاناتها مع رحلة العلاج، التي استمرت فترة طويلة.
وقالت كندة علوش، خلال لقاء مع الإعلامية منى الشاذلي، ببرنامج حلقات خاصة، والمذاع عبر قناتها الرسمية على موقع الفيديوهات الشهير «يوتيوب»: «الحقيقة أنا بقالي فترة طويلة، غايبة عن الناس، سواء كان عبر الأعمال الفنية أو الظهور الإعلامي، ولكن هذا وراءه أسباب كثيرة وأهمها إصابتي بمرض».
وتابعت: «ظهرت عليا أعراض بسيطة بس أنا مش بحب أهتم بالتفاصيل، وأنا طبيعتي مش بخاف لأني بسلم أمري لربنا بسهولة، ولما عدى 5 أشهر ونفس الأعراض كانت عندي، فعمرو جوزي قالي انتي لازم تعملي فحوصات، ومكنتش مقتنعة أنه له لازمة، ولكن اقنتعت بعد وقت إني أروح أعمل فحوصات، وأول ما روحت للدكتورة قالت لي في حاجة مش مضبوظة».
وأضافت: «قررت الدكتورة أخذ عينة، عشان توصل للسبب، وبعد 3 أيام لقيت راجل بتاع التحاليل كلمني وقالي النتيجة مش كويسة، وفي أكثر من مرض، منهم ورم خبيث في الثدي، بس عمرو كان شاكك في الموضوع وقلقان».
وأردفت: «في العيلة يوجد تاريخ للمرض دا، منها جدتي التي توفت بسبب الكانسر، وروحت لدكتور كنا بنثق فيه، وأنا كان عندي كتلة متشعبة فالحالة اللي زي دي مينفعش أعمل العملية، لازم أخذ العلاج الكيمياوي لفترة طويلة، لحد ما تصغر وبعد كدا نقدر نشيلها».
اقرأ أيضا:
كندة علوش تنضم للجنة تحكيم مهرجان القاهرة الدولي للفيلم القصير
بسبب أطفال غزة .. كندة علوش تهاجم الاحتلال الإسرائيلي
