قالت الفنانة يسرا: «أنا اتحاربت خلال مشواري الفني وكان بيبقى فيه صراعات غير عادية وأنا ما كنتش قدهم فتعرضت لانهزامات، ما كنتش قد الخبط لأني ضعيفة».
وأضافت خلال لقائها ببرنامج «بيت السعد» الذي يقدمه أحمد سعد وعمرو سعد بقناة «إم بي سي 1»: «قعدت 4 سنين عملت 25 فيلم ما نزلوش ولم يعرض أي واحد منهم، وكانوا بيلقبوني بالنجمة المعلبة».
وتابعت يسرا: «لما ابتديت مشوار التمثيل في أول سنة عملت 6 أفلام وتاني سنة 5 أفلام، وكنت أنتظر ينزلوا ما كانوش ينزلوا وكنت عايزة أعرف عاملة فيهم إيه، نزلوا متأخر و90% منهم منجحوش وسقطوا».
وقالت: «بقيت أشوف الناس كتبوا عني إيه وقرأت ما كتبه النقاد الكبار عني، ولقيتهم بيتكلموا عني كويس وعرفت إن الغلط في فشل الفيلم ممكن يبقى له علاقة بالتوقيت واختيار المواضيع وتوظيف الممثل».
وأوضحت: «لما بتشتغل مع مخرج كبير بيخليك كبير لأنه بيحبك ولو حبك تشتغل معاه عمياني ولو ما كانش فيه أمان مع المخرج ده أكبر حاجة، وده درس اتعلمت ومشيت عليه».
اقرأ أيضا:
يسرا تُعلق على مشاركتها في «كان السينمائي»
يسرا: أبطال فيلم «شقو»، مختلفون تمامًا عن التوقعات
