كشفت الفنانة الشابة ملك زاهر عن تعرضها لوعكة صحية مفاجئة استدعت دخولها المستشفى خلال الأيام الأخيرة، مشيرة إلى أن حالتها الصحية لا تزال غير مستقرة، دون تحديد سبب واضح حتى الآن.
ومن خلال خاصية “الاستوري” عبر حسابها على إنستجرام، وجهت ملك رسالة صريحة لمتابعيها قالت فيها: “أنا عادة بنزل الحاجات الإيجابية أو اللطيفة، ولو نزلت حاجة سلبية بيكون لها هدف، وغالبًا بتكون بهزار بيني وبين صحابي… لكن مؤخرًا بدأت ألاحظ تعليقات زي: إنتي مبسوطة واحنا لأ، أو حياتك كلها مثالية… وده خلاني أحس إني محتاجة أوضح الصورة الحقيقية”.
وأضافت: “بقالي 3 أيام تعبانة فجأة، ولسه مش عارفين السبب، وكل اللي حصل إن في نص ساعة كنت كويسة، وفجأة اتقلب كل شيء، ومن وقتها مش قادرة أخرج أو أقابل حد، ونفسيتي تعبانة جدًا”.
وأكدت أنها قررت هذه المرة أن تشارك جانبًا من المعاناة، قائلة: “قررت أقولكم عشان تعرفوا إن حياتي فيها الحلو والوحش زي أي حد… يمكن غلطتي إني دايمًا كنت بشارك الإيجابي بس”.
واختتمت رسالتها برسالة طمأنة: “الحمد لله على كل حال، وواثقة إن اللي عندي بسيط وهخف قريب إن شاء الله. مش الهدف من الكلام ده إني أقلق حد، بس عايزة أقول إن اللي بنشوفه على السوشيال ميديا مجرد 20٪ من الحقيقة، فبلاش نحكم على حياة الناس من خلالها… ادعولي أتحسن بسرعة، وشكرًا لدعمكم”.
اقرأ أيضا:
ليلة تحت ضوء التاريخ.. زفاف ليلى زاهر وهشام جمال يضيء هرم سقارة
