جددت الراقصة لوسي تصريحاتها السابقة، التي قالت فيها إنها لا تخاف من الموت وهي ترتدي بدلة الرقص، مؤكدة: «أنا مبعملش حاجة بجاحة، والرقص فن والرقص مرسوم على جدران المعابد الفرعونية».
وأضافت خلال لقائها ببرنامج «العرافة»، المذاع على فضائية «المحور»: «مهنة الرقص نصيبي، وربنا كاتب لي كده، أن أكون راقصة وأدخل معهد الباليه وأخرج منه، وأشتغل فى الأفراح الشعبية لغاية لما أكبر شوية وكبرت ناس حواليا، وبعدين أشتغل كومبارس، ثم ممثلة ثم نجمة ثم بطلة وبعدين أكون مشهورة، أمام نار وبحر أروح لمين فيهم فرحت للبحر».
وأوضحت: «أحببت الفن واشتغلت في الأفراح وكان عندي 11 سنة، والفنانة فيروز اشتغلت وهي طفلة، ولو كلنا قعدنا وسمعنا كلام الناس محدش هيشتغل، ومش ندمانة أنى بشتغل رقاصة لأني معملتش حاجة غلط، ولو الرقص غلط كنت رجعت لربنا وقولت له اغفر لي».
وأكدت: «ربنا أعطاني ثمن حلو، والناس بتحبني وبحب الرقص والتمثيل وبحب الحاجة الحلوة».
