الجمعة 29 مارس 2024

محمد فؤاد يفتح النار على «هنيدي».. اعرف الحكاية

كشف الفنان محمد فؤاد، حقيقة هجوم علي الفنان محمد هنيدي، قائلا: «هو حقق نجومية أكتر مني في السينما ودي حقيقة وما هجمتش حد ولا غيرت منه».

ورد محمد فؤاد، على تصريحات تليفزيونية سابقة للفنان محمد هنيدي يتهمه بالغيرة منه، قائلا: «أنا مبغيرش من حد ومتوجدش اللي أنا أغير منه، اغير من هنيدي إزاي وأجيبه فيلم، أنفسن منه إزاي وأنا إللي جايبه معايا في فيلم إسماعيلية رايح جاي».

وأضاف خلال الجزء الثاني من لقائه ببرنامج «العرافة» الذي تقدمه بسمة وهبة بقناة «النهار»: «إللي بيغير من صحابه ده يبقى عنده نقص».

وتابع: «والله ما هاجمت محمد هنيدي، أنا كرهت فيلم إسماعيلية رايح جاي، لأنه خلق حالة من الكره بين الأبطال وفي الساحة الفنية كلها ولقيت فيه حروب نجوم، ومين إللي ينتجوا له ومين إللي يقعدوه في البيت، ولما عملت الفيلم كنت بلم أصحابي علشان نفتح السينما لينا كلنا».

واستطرد محمد فؤاد: «أي حد وصل لهنيدي إني بغير منه يبقى عبيط، أجيبك إزاي معايا في فيلم وأنا إللي كاتب له يضحك الناس إزاي، أنا محب له وعايز يضحك، إزاي يطلع يسوق علي إني أنا بغير منه هو أنا محتاج السينما علشان أغير منه، إيه الهبل اللي إحنا فيه ده، اتقي الله يا هنيدي.. عيب عليك متسوقش لإني أنا بغير منك هو أنا جايبك فيلم معايا علشان تفشل وفرجة للناس ومتشتغلش تاني.. أنا جيبتك علشان تنجح وتشرفني وتعمل فيلم بطولة، إيه المقاييس العبيطة إللي الناس بقت بتفكر فيها».

وأكمل:«قسما برب العزة أنا بحب هنيدي ولا عمري ما أعرف أغير منه.. عنده إيه مش عندي، أنا فتحتلك طريق وقبلها كنت بتعمل مشهدين وشيلت من كلامي علشان أوسع له الدور، وغيرت الكلام بتاعي في المشهد وأديه لهنيدي علشان هو يجيب جون وقادر يضحك الناس أكتر مني».

اقرأ أيضا:

محمد فؤاد: خضعت لـ 3 عمليات لخسارة وزني

محمد هنيدي: بحب الصعيد.. ويحيى الفخراني قيمة كبيرة

تصفح موضوعات أخرى