كشفت الفنانة زينة عن تعرض أبنائها لهجوم من كلب شرس، مؤكدة أنها تعاملت مع الموقف بشكل قانوني، وتوجهت على الفور إلى قسم الشرطة لتحرير بلاغ رسمي.
وقالت زينة، خلال مداخلة هاتفية مع الإعلامي عمرو أديب في برنامج “الحكاية” على قناة MBC مصر: “غادرت المكان فورًا واتصلت بالنجدة، وقلت لهم إني سأحصل على حقي بالقانون. آسفة إني اضطريت أروح للمكان ده، الزوج كان بيحاول يسكت مراته، لكنها ما كانتش بتحترم حد”.
وأشادت بسرعة استجابة الجهات الأمنية، قائلة: “وزارة الداخلية ما تأخرتش، بعتوا عربيات نجدة ورئيس مباحث، لأن موضوع الكلاب بقى خطر، وكل يوم بنسمع عن حوادث. أنا مش هستنى لما -لا قدر الله- يحصل حاجة لأولادي.. إحنا في دولة قانون”.
وأضافت أنها قدمت بلاغًا رسميًا في القسم، وأُبلغت بأن الشرطة ستستدعي الشاب صاحب الكلب وأسرته.
وتابعت: “لما وصلت القسم، لقيت 3 أشخاص موجودين، وقالولي إحنا النواب محمد الجارحي وهشام الجارحي. سألتهم: ليه بتحطوا كلمة نائب قبل اسمكم؟ أنا مش محتاجة ده.. وفعلاً اعتذروا لابني”.
وأكدت زينة أنها أصرت على اعتذار مباشر من الشاب المتسبب في الحادثة، قائلة: “طلبت إن الولد اللي شاط الكلب على ابني يعتذر، رد عليا وقاللي الولد تحت في العربية ومبنطلعش أولادنا الأقسام.. قلتله: أنا مطلعة ابني معايا القسم، ودول هيبقوا رجالة وهيعرفوا ييجوا القسم عادي”.
اقرأ أيضا:
زينة تُفاجئ جمهورها في «الشيطان شاطر»
زينة: تشرفت بحضور مهرجان البحر الأحمر السينمائي هذا العام
